895-1050 - Stór-Reykjavíkursvæðið

777-5504 - Reykjanes

849-4012 - Akureyri

aa upplysingar vegna covid 19 1170 250


Afmælisfundur AA-samtakanna sem fyrirhugaður var 2. apríl 2021 fellur niður vegna samkomubanns.

Til allra AA-deilda á Íslandi 1. mars 2021

Kæru AA-félagar,

Með bréfi þessu tilkynnir Landsþjónustunefnd að afmælisfundurinn sem haldinn er föstudaginn langa ár hvert verður ekki haldinn þann 2. apríl 2021.
Samkvæmt núgildandi takmörkunum á samkomur sem gildir til 17. mars þá mega aðeins 50 einstaklingar koma saman í sama rými (opinberu eða einka).
Fjöldi gesta á afmælisfundinum hefur verið frá 1.800 til 2.200 manns.
Það má gera ráð fyrir einhverjum tilslökunum eftir 17. mars og fram að afmælisfundinum en óvissan um hve margir mega koma saman ásamt því að við sem AA-félagar eigum að setja fordæmi um að halda ekki viðburð sem hvetur fólk til að koma saman umfram gildandi takmörkunum.

Ástæðan fyrir því að Landsþjónustan mun ekki halda afmælisfundinn með fjarfundabúnaði eins og til dæmis Zoom er:

11. Erfðavenjan:
“Afstaða okkar út á við byggist fyrst og fremst á aðlöðun en ekki áróðri. Í fjölmiðlum ættum við alltaf að gæta nafnleyndar.”

Með fjölmennum fjarfundi teljum við að afmælisfundurinn sé fjölmiðill og við getum ekki tryggt nafnleynd.

Virðingarfyllst,
Landsþjónustunefnd AA á Íslandi.


 

Hátíðarfundur AA-samtakanna er haldinn að venju föstudaginn langa ár hvert. Þar tala nokkrir AA-félagar og gestur frá Al-Anon samtökunum, sem eru samtök aðstandenda alkóhólista. Allt fundarefnið verður kynnt jafnharðan á táknmáli. Tónlistaratriði er í lok fundar og síðan verður boðið upp á kaffiveitingar.

Stofnfundur AA-samtakanna á Íslandi var haldinn 16. apríl 1954, sem bar upp á föstudaginn langa. Þetta er einmitt ástæðan fyrir því að afmæli AA-samtakanna á Íslandi miðast við föstudaginn langa ár hvert.

Í dag eru starfandi um 300 deildir innan AA-samtakanna um land allt. Hver þessara deilda heldur að minnsta kosti einn fund í viku.

Allir vinir og velunnarar AA-samtakanna eru hjartanlega velkomnir á hinn árlega hátíðarfund okkar í Laugardalshöll.  Fundurinn hefst kl. 20:30.