895-1050 - Stór-Reykjavíkursvæðið

777-5504 - Reykjanes

849-4012 - Akureyri

Hin árlega þjónusturáðstefna AA samtakanna á Íslandi er haldin á laugardegi í maí ár hvert. Allar AA deildir á Íslandi geta sent einn fulltrúa á ráðstefnuna. Skráningarbréfið á ráðstefnuna verður sent öllum AA-deildum í lok mars - og skráningarfrestur á ráðstefnuna er út apríl.

Ráðstefnan stendur í einn dag og fá skráðir ráðstefnugestir dagskrá senda með tölvupósti dagana fyrir ráðstefnuna, en önnur gögn eru afhent við komuna.
Athugið að aðeins ráðstefnuskráðir AA menn sitja ráðstefnuna.

Landsþjónusutráðstefnan setin af AA mönnum, en fyrirkomulag okkar á Íslandi er þannig að hver AA deild getur sent einn fulltrúa á ráðstefnuna. Einnig sitja hana landsþjónustumenn, en landsþjónustunefnd heldur ráðstefnuna og að auki sitja fulltrúar ýmis annars nefndarstarfs á vegum AA samtakanna. Æskilegt er þó að þeir séu sendir á vegum sinnar AA deildar, til þess að skekkja ekki vægi deilda. Allt eru þetta AA menn, en undantekning á þessu eru ei-alkarnir þrír.

Samkvæmt erfðavenjum AA samtakanna um nafnleynd og vegna sérstöðu samtakanna sitja hana ekki aðrir gestir en að ofan getur. Fundargerðir ráðstefna eru birtar á heimasíðunni en nöfnum manna er breytt þannig að upphafsstafir einir koma í stað nafnsins. Vegna sérstöðu íslenska nafnakerfisins þykir ekki nóg að taka eingöngu út eftirnafn manna eins og gert er t.d. í Ameríku og víðar og hafa upphafsstaf þar, því að á Íslandi er almennt notað skírnarnafn um menn. Þetta er gert í anda elleftu og tólftu erfðavenju samtakanna um nafnleynd á opinberum vettvangi og með sameiginlega velferð okkar í huga.